ڕۆژی چوارشەممە ٥ی شوباتی ٢٠٢٠ بە ئامادەبوونی (پ.ی.د.فەرھاد قادر کەریم) سەرۆکی زانکۆی گەرمیان و (پ.د.ئیبراھیم عەبدلرەحمان) یاریدەدەری سەرۆکی زانکۆ بۆ کاروباری کارگێری و دارایی و (د.یادگار عەلی مەحمود) یاریدەدەری سەرۆکی زانکۆبۆکاروباری زانستی و خوێندنی باڵا و (د.چیا محەمەد حەسەن) ڕاگری پەیمانگای تەکنیکی کەلار و بەشێک لە مامۆستایان و خوێندکاران و خانەوادەی (د.دلێر حەبیب) لە مەراسیمێکی شایستەدا خولێکی تۆپی پێ بەناوی خوالێخۆشبو (د. دلێر حبیب )بۆ مامۆستایان و فەرمانبەرانی پەیمانگاى تەکنیکى کەلار کرایەوە بە میوانداری کۆلێجی پەروەردەى بنەرەتی و کۆلێجی کۆمپیوتەر و تەکنەلۆجیای زانیاری زانکۆی گەرمیان و پەیمانگای تەکنیکی دەربەندیخان .
\r\nسەرەتایی مەراسیمەکە بە دەقیقەیەک وەستان بۆ گیانی پاکی شەھیدانی نیشتیمان و ڕۆحی پاکی د.دلێر دەستیپێکرد و لە ووتەیەکدا؛ ڕاگری پەیمانگای تەکنیکی کەلار باسی لە پێگەو خۆنەویستی خوالێخۆشبو کرد لەنێو کۆمەڵگا کاریگەری لەنێو ئەکادیمی و مامۆستایانی دەڤەرەکە بەگشتی.
\r\nلەووتەیەکی تردا سەرۆکی زانکۆی گەرمیان؛ سوپاسی پەیمانگای تەکنیکی کەلاری کرد بۆ دەستپێشخەرییان بۆ کردنەوەی خولی ناوبراو بەناوی مامۆستای خوالێخۆشبو دکتۆر دلێر ،و ھەروەھا باسیان لە ڕۆڵ و پێگەی د.دلێر حەبیب کرد و تیاییدا باسى دڵسۆزى و خوورەوشت و ئاکارى بەرزییان کرد لەنێو مامۆستایان و خوێندکارانی زانکۆمان.
\r\nھەرلەمەراسیمەکە ووتەی بنەماڵەی (د.دلێر حەبیب) لەلایەن مامۆستا (دیار حەبیب) برای خوالێخۆشبو د.دلێر خوێندراییەوە.
\r\nلەیەکەم یاری خولەکەدا؛ تیپی کۆلێجی پەروەردەی بنەرەتی زانکۆی گەرمیان لە تیپی بەشە پزیشکییەکانی پەیمانگای تەکنیکی کەلار بردەوە.
\r\n(د.دلێر حەبیب )سەرۆك بەشی زمانی عەرەبی بو لەكۆلێجی پەروەردەی بنەڕەت لەزانكۆی گەرمیان لە ١/ ١٢ / ٢٠١٩بەنەخۆشیەكی كتوپڕ لەكاتی دەوامی فەرمیدا ماڵئاوایی لەژیان كرد و بەكۆچی دوایی؛ بۆشاییەكی گەورەی زانستی و ئەكادیمی بۆ زانكۆی گەرمیان و ناوچەكە بەجێهێشت.
\r\n[gallery ids=\"7863,7864,7865,7866,7867,7868,7869,7870,7871,7872,7873,7874,7875,7876\"]